ڈی پی او جہلم کا تھانہ صدر کی نئی بلڈنگ کا دورہ، تعمیراتی کام جلد مکمل کرنے کی ہدایت

جہلم: ڈی پی او جہلم طارق عزیز سندھو نے تھانہ صدر کی نئی بلڈنگ کا دورہ کیا۔

دورے کے دوران ایس ڈی پی او سٹی، ڈی ایس پی ہیڈکوارٹرز، ڈی ایس پی ٹریفک، ایکس ای این فہد مظہر، بلڈنگ سب انجینئر انوار احمد، ایس ایچ او تھانہ صدر، آفس سپرنٹنڈنٹ اور ایس ڈی او بلڈنگ بھی ان کے ہمراہ تھے۔

ایس ڈی او بلڈنگ نصراللہ خان نے ڈی پی او جہلم کو جاری تعمیراتی کام کے حوالے سے تفصیلی بریفنگ دی۔ ڈی پی او نے زیر تعمیر کام کو جلد از جلد مکمل کرنے کی ہدایت جاری کی۔

ڈی پی او جہلم طارق عزیز سندھو نے کہا کہ نئی بلڈنگ کی تعمیر سے پولیس افسران کو بہتر رہائش کی سہولت میسر آئے گی۔ اس کے ساتھ ساتھ تھانے میں آنے والے شہریوں کو بھی مزید سہولیات فراہم کی جائیں گی، جس سے شہریوں کے مسائل کے حل میں مدد ملے گی اور عوام کا پولیس پر اعتماد بڑھے گا۔