ریسکیو 1122 جہلم سٹاف کا ماہانہ فزیکل فٹنس ٹیسٹ لیا گیا

جہلم: ڈسٹرکٹ ایمرجنسی آفیسر انجینئر سعید احمد کی زیر نگرانی آج ریسکیو 1122 ضلع جہلم کے تمام سٹاف کا ماہانہ فزیکل فٹنس ٹیسٹ لیا گیا جس میں جہلم کے تمام ریسکیو افسران اور اہلکاروں نے شرکت کی۔

جہلم کے تمام تحصیل انچارج نے بھی ڈسٹرکٹ ایمرجنسی آفیسر کی ہدایات کے مطابق تحصیل سوہاوہ، دینہ اور پنڈدادنخان کے تمام ریسکیو اہلکاروں کا فزیکل ٹیسٹ لیا۔

اس موقع پر ڈسٹرکٹ ایمرجنسی آفیسر جہلم انجینئر سعید احمد نے کہا کہ ٹیسٹ کا مقصد ریسکیورز کو تندرست رکھنا، ان کی کارکردگی اور ایمرجنسی میں بہتر طریقے سے مدد کرنا ہے۔ بلاشبہ ایک تندرست جسم ہی تندرست دماغ کا حامل ہوتا ہے اور ریسکیورز کے لئے یہ انتہائی اہم ہے۔

انہوں نے بتایا کہ یہ ٹیسٹ ہر ماہ منعقد کیا جاتا ہے کیونکہ ایک تندرست اور چاق و چوبند ریسکیور ہی ایمرجنسی میں لوگوں کو بہتر مدد فراہم کر سکتا ہے۔

تازہ ترین خبروں کیلئے ہمیں گوگل نیوز پر فالو کریں