پنڈدادنخان میں زمیندار کے بیٹے نے ذہنی معذور نوجوان پر کتا چھوڑ دیا، نوجوان شدید زخمی

پنڈدادنخان کے علاقہ مرزا پور میں ذہنی معذور لڑکے پر بااثر زمیندار کے بیٹے نے کتا چھوڑ دیا، معذور نوجوان کو انتہائی تشویش ناک حالت میں تحصیل ہیڈ کوارٹر ہسپتال منتقل کردیا گیا ۔ پولیس نے مقدمہ درج کرکے ملزم کو گرفتار کرلیا۔

تفصیلات کے مطابق یہ دلخراش واقعہ جہلم کی تحصیل پنڈدادنخان کے علاقہ مرزا پور میں اس وقت پیش آیا جب ذہنی معذور نوجوان نماز پڑھ کر مسجد سے واپس گھر جا رہا تھا کہ راستے میں موجود بااثر زمیندار کے بگڑے رئیس زادے عمر اور اسکے ساتھیوں نے ذہنی معذور نوجوان سے چھیڑ چھاڑ شروع کر دی اور اپنا پالتو کتا ذہنی معذور لڑکے حرید حسنین پر چھوڑ دیا۔

کتے کے کاٹنے سے ذہنی معذور نوجوان شدید زخمی ہو کر زمین پر گرپڑا،کتے کے کاٹنے سے نوجوان کے چہرے اور جسم پر زخم آئے، معذور نوجوان کو انتہائی تشویش ناک حالت میں تحصیل ہیڈ کوارٹر ہسپتال منتقل کردیا گیا ۔

متاثرہ نو جوان کے والد ناصر محمود کی درخواست پر انچارج پولیس چوکی دھریالہ جالپ اسسٹنٹ سب انسپکٹر جعفر رضا نے 289 ت پ، 34 ت پ کے تحت مقدمہ درج کر کے ملزم کو گرفتار کر لیا ہے۔

تازہ ترین خبروں کیلئے ہمیں گوگل نیوز پر فالو کریں