جہلم پولیس کی کارروائی، شراب سپلائر اور منشیات فروش گرفتار، شراب و چرس برآمد

جہلم پولیس کی منشیات فروشوں اور جرائم پیشہ عناصر کے خلاف بڑی کارروائی، شراب سپلائر اور منشیات فروش ملزم گرفتار کر لیے گئے۔ پولیس نے دونوں ملزمان سے شراب اور چرس بھی برآمد کر لی۔

تفصیلات کے مطابق ڈسٹرکٹ پولیس آفیسر جہلم طارق عزیز سندھو کی خصوصی ہدایت پر ایس ایچ او تھانہ سٹی اور پولیس ٹیم نے کارروائی کرتے ہوئے ایک شراب سپلائر ملزم سے 20 لیٹر شراب جبکہ منشیات فروش ملزم سے 500 گرام چرس برآمد کر لی۔

پولیس حکام کے مطابق دونوں ملزمان کے خلاف تھانہ سٹی میں الگ الگ مقدمات درج کر لیے گئے ہیں اور مزید تفتیش جاری ہے۔

ڈی پی او جہلم طارق عزیز سندھو کا کہنا ہے کہ منشیات فروش معاشرے کا ناسور ہیں، ان کے خلاف بھرپور کریک ڈاؤن جاری ہے اور کسی کو رعایت نہیں دی جائے گی۔