پٹرولنگ پولیس مسہ کسوال نے قتل کے مقدمہ میں مطلوب اشتہاری مجرم کو گرفتار کر لیا
سوہاوہ: پٹرولنگ پولیس راولپنڈی ریجن کی جانب سے جرائم پیشہ عناصر کے خلاف کریک ڈاؤن جاری ہے۔ ایس ایس پی پٹرولنگ پولیس راولپنڈی ریجن محمد بن اشرف کی ہدایات پر کارروائیاں کرتے ہوئے پٹرولنگ پولیس نے قتل کے مقدمے میں مطلوب اشتہاری مجرم کو گرفتار کر لیا۔
ڈی ایس پی پٹرولنگ ضلع جہلم سید ذوالفقار علی گیلانی کی نگرانی میں پٹرولنگ پوسٹ مسہ کسوال کے ہیڈ کانسٹیبل محمد اویس اور ان کی ٹیم نے کامیاب کارروائی کرتے ہوئے تھانہ نظام پور نوشہرہ میں درج قتل کے مقدمے میں مطلوب اشتہاری مجرم فیصل خان ولد عبدالرحمن سکنہ ضلع نوشہرہ کو گرفتار کر لیا۔
مدعی مقدمہ نے اشتہاری مجرم کی گرفتاری پر خوشی کا اظہار کرتے ہوئے پٹرولنگ پولیس کا شکریہ ادا کیا۔
عوامی حلقوں میں پٹرولنگ پولیس کی اس کامیاب کارروائی کو سراہا جا رہا ہے جبکہ پٹرولنگ پولیس عوام کی حفاظت اور جرائم کی سرکوبی کے ساتھ ساتھ شہریوں کی خدمت میں بھی پیش پیش ہے۔
