ڈومیلی میں 45 سالہ شخص نے پھندے سے جھول کر خودکشی کر لی

سوہاوہ: ڈومیلی کے نواحی علاقے میں 45 سالہ شخص نے گھر کے اندر مبینہ طور پر گلے میں پھندا ڈال کر زندگی کا خاتمہ کر لیا۔

تفصیلات کے مطابق جہلم کی تحصیل سوہاوہ میں ڈومیلی کے علاقے کوہالہ کے رہائشی 45 سالہ شخص خان بیگ نے گھر کے اندر چھت کے ساتھ مبینہ طور پر گلے میں پھندا ڈال کر خودکشی کر لی۔ مقامی ذرائع کے مطابق خودکشی کرنے والے شخص کا ذہنی توازن بھی درست نہیں بتایا جاتا۔

واقعے کی اطلاع ملتے ہی ایس ایچ او تھانہ ڈومیلی طارق محمود پولیس نفری کے ہمراہ موقع پر پہنچ گئے اور لاش کو تحویل میں لے کر ہسپتال منتقل کر دیا۔پولیس کا کہنا ہے واقعے کی مزید تفتیش شروع کر دی گئی ہے۔

پولیس کا مزید کہنا ہے کہ پوسٹ مارٹم رپورٹ آنے کے بعد ہی واقعے کے اصل حقائق سامنے آئیں گے۔