جہلم شہر میں سیف سٹی کے نام پر سڑکوں کی کھدائی، شہریوں کو آمدورفت میں سخت مشکلات کا سامنا
جہلم شہر میں سیف سٹی کے نام پر سڑکوں کی کھدائی، ٹھیکیدار کے ملازم شہر میں جگہ جگہ سڑکوں کا کچرہ سڑکوں پر چھوڑ کر غائب، شہریوں کو آمدورفت میں سخت مشکلات کا سامنا ہے۔
تفصیلات کے مطابق پنجاب حکومت کے ٹھیکیدار نے سیف سٹی منصوبے کے تحت جہلم شہر کے چوک چوراہوں میں جگہ جگہ کیمرے نصب کرنے کے لئے پول لگانے کے لئے کھدائی کا عمل پچھلے ماہ مکمل کیااور سڑکوں سے نکلنے والی بجری ، پتھر وغیرہ کو ٹھکانے لگانے کی بجائے سڑکوں پر ہی چھوڑ دیا ہے جس کی وجہ سے اندرون شہر سفر کرنے والی چھوٹی گاڑیوں ، موٹر سائیکل سواروںکو سخت مشکلات کا سامنا کرنا پڑرہاہے۔
شہریوں کا کہنا ہے کہ سیف سٹی پراجیکٹ کے ٹھیکیدار نے پچھلے ماہ شہر کے چوک چوراہوں میں گڑھے کھدوائے اور ملبہ ٹھکانے لگانے کی بجائے سڑکوں پر ہی چھوڑرکھا ہے ۔ جس کیوجہ سے خریداری کے لئے آنے والی خواتین اور بچوں کو سخت دشواری کا سامنا کرنا پڑرہاہے۔
شہریوں نے ڈپٹی کمشنر سے مطالبہ کیاہے کہ سیف سٹی پراجیکٹ کے ٹھیکیدار یا میونسپل کمیٹی کے عملے کے زریعے ملبے کو ٹھکانے لگانے کے احکامات جاری کئے جائیں تاکہ شہریوں کی مشکلات میں کمی واقع ہو سکے ۔
