ریسکیو 1122 جہلم کی شاندار کارکردگی، ایک ہی دن میں 95 زندگیاں محفوظ

442

جہلم: ریسکیو 1122 نے گزشتہ روز 8 اعشاریہ 8 منٹ کے اوسط رسپانس ٹائم کے ساتھ مختلف ایمرجنسی صورتحال میں 95 افراد کو بروقت ریسکیو کیا۔

ڈسٹرکٹ ایمرجنسی آفیسر ریسکیو 1122 جہلم انجینئر سعید احمد کے مطابق 15 جنوری کو ریسکیو 1122 جہلم کو مجموعی طور پر 97 ایمرجنسی کالز موصول ہوئیں، جن پر فوری رسپانس دیتے ہوئے متاثرہ افراد کو امداد فراہم کی گئی۔

ان ایمرجنسی کالز میں روڈ ٹریفک حادثات کے پانچ واقعات، آگ لگنے کا ایک واقعہ، ایک کرائم سے متعلق کال، 77 میڈیکل ایمرجنسیز جبکہ 13 متفرق ایمرجنسیز شامل تھیں۔

انجینئر سعید احمد نے ریسکیو اہلکاروں کی پیشہ ورانہ صلاحیت، مستعدی اور بروقت رسپانس کو سراہتے ہوئے کہا کہ ریسکیو 1122 جہلم شہریوں کی جان و مال کے تحفظ کے لیے ہمہ وقت تیار ہے اور ایمرجنسی سروسز کے معیار کو مزید بہتر بنانے کے لیے تمام ممکنہ اقدامات جاری رکھے جا رہے ہیں۔