محکمہ لائیو اسٹاک نے ویٹرنری گریجویٹس اور پیرا ویٹس کے لیے انٹرن شپ پروگرام کا اعلان کر دیا

جہلم: محکمہ لائیو اسٹاک اینڈ ڈیری ڈویلپمنٹ حکومت پنجاب نے ویٹرنری گریجویٹس اور پیرا ویٹس کے لیے انٹرن شپ پروگرام کا اعلان کر دیا ہے۔ ضلع جہلم کے لیے کل سات نشستیں مختص کی گئی ہیں۔

تفصیلات کے مطابق ویٹرنری گریجویٹس (DVM) کے لیے تین نشستیں رکھی گئی ہیں جن پر کامیاب امیدواروں کو ماہانہ 60,000 روپے وظیفہ دیا جائے گا جبکہ پیرا ویٹس (LAs / AITs / VAs) کے لیے چار نشستیں مقرر کی گئی ہیں، جن پر ماہانہ 40,000 روپے وظیفہ دیا جائے گا۔

درخواستیں جمع کروانے کی آخری تاریخ 31 اگست 2025 مقرر کی گئی ہے۔ امیدوار اپنی درخواستیں پنجاب حکومت کی آفیشل ویب سائٹ پر جمع کروا سکتے ہیں۔

محکمہ لائیو اسٹاک اینڈ ڈیری ڈویلپمنٹ کے ترجمان کے مطابق یہ انٹرن شپ پروگرام نوجوانوں کے لیے ایک سنہری موقع ہے، جس کے ذریعے وہ لائیو اسٹاک سیکٹر میں عملی تربیت حاصل کر کے اپنے کیریئر کا آغاز کر سکتے ہیں۔ امیدواروں کو ہدایت کی گئی ہے کہ وقت ضائع کیے بغیر اس شاندار موقع سے فائدہ اٹھائیں۔