معروف قانون دان چوہدری فرحت کمال ضیاء کی جانب سے حلیم نان اور ٹھنڈے پانی کی سبیل کا اہتمام

جہلم شہر کی معروف قانونی و سماجی شخصیت چوہدری فرحت کمال ضیاء نے عوامی خدمت کی روایت کو برقرار رکھتے ہوئے حلیم نان اور ٹھنڈے میٹھے پانی کی سبیل کا اہتمام کیا۔

یہ سبیل شدید گرمی اور حبس کے موسم میں شہریوں کے لیے ایک خوشگوار احساس کا باعث بنی۔ درجنوں افراد نے عزت و وقار کے ساتھ نہ صرف لذیذ حلیم نان تناول کیے بلکہ ٹھنڈا اور میٹھا پانی بھی پیا۔

شہریوں نے چوہدری فرحت کمال ضیاء اور ان کی ٹیم کی اس کاوش کو سراہتے ہوئے نیک تمناؤں کا اظہار کیا اور ان کے حق میں دعائیں بھی کیں۔

شہریوں کا کہنا تھا کہ ایسے فلاحی اقدامات معاشرے میں اخوت اور محبت کو فروغ دیتے ہیں اور چوہدری فرحت کمال ضیاء کی عوامی خدمات قابلِ تقلید ہیں۔