اندرونی و بیرونی دشمن قوتیں نہیں چاہتیں کہ پاکستان میں تعمیر و ترقی و خوشحالی آئے، سماجی حلقے

جہلم شہر کی سماجی، رفاعی اور فلاحی تنظیموں کے عمائدین نے کہا ہے کہ اندرونی و بیرونی دشمن قوتیں نہیں چاہتیں کہ پاکستان میں تعمیر و ترقی و خوشحالی آئے، امن قائم ہو اور غیر ملکی سرمایہ کاری آئے۔

میڈیا سے گفتگو کرتے ہوئے عمائدین نے کہا کہ دشمن تین طرح کے وار کر رہا ہے ایک اداروں اور عوام کے درمیان نفرت پھیلانے کی سازش، دوسرا سوشل میڈیا پر جھوٹی مہم اور تیسرا روزجھوٹی افواہیں مگر یہ دشمن کسی بھی صورت کامیاب نہیں ہو سکے گا کیونکہ حکومت ادارے عوام ایک پیچ پر کھڑے ہیں۔

انہوں نے کہا کہ مہنگائی بے روزگاری کی دلدل میں عوام جان چکی ہے کہ پی ڈی ایم کی حکومت نے عوام کو جان بوجھ کر پھنسایا وگرنہ 2023 ء تک خوشحالی تھی، آئی ایم ایف سے جان چھوٹنے کے قریب تھی ،پی ڈی ایم حکومت نے جو حشر کسانوں کے ساتھ کیا ہے وہ تاریخ میں سنہری حروف سے لکھا جا چکا ہے حکمرانوں کے تجربات کی وجہ سے ہم معاشی طور پر بُری طرح ناکام دکھائی دیتے ہیں۔