ضلع جہلم میں عیدالاضحیٰ کے دن ریسکیو 1122 نے مجموعی طور پر 65 افراد کو ریسکیو کیا
جہلم: عیدالاضحی کے دن ریسکیو اہلکار عوام کی خدمت کے لیے موجود رہے اور مجموعی طور پر 65 افراد کو ریسکیو کیا۔
تفصیلات کے مطابق عیدالاضحی کے پرمسرت موقع پر جہاں پر لوگ اپنے پیاروں کے ساتھ عید کی خوشیاں منانے میں مصروف تھے وہیں پر عوامی خدمت کے جذبہ سے سرشار ریسکیورز عوام کی خدمت کے لیے موجود رہے۔ ریسکیو اہلکار دن ہو یا رات 24 گھنٹے عوام کی خدمت کے لیے لئے اپنی خدمات پیش کرتے رہے ۔
انجینئر سعید احمد ڈسٹرکٹ ایمرجنسی آفیسر ریسکیو 1122جہلم نے بتایا کہ عید کے دن میں 69 ایمرجنسیز پر رسپانس کر کے 65 لوگوں کو ریسکیو کیا۔ان 69 ایمرجنسیز میں سے روڈ ٹریفک حادثات کی تعداد 12 رہی اور ان حادثات میں زخمی ہونے والوں کی تعداد 13 ہے۔
انہوں نے بتایا کہ میڈیکل ایمرجنسیز کی تعداد 43، اونچائی سے گرنے کے 2 اور آ گ لگنے کے 3 واقعات رونما ہوا۔ جبکہ متفرق ایمرجنسیز کی تعداد 6 رہی۔
ڈسٹرکٹ ایمرجنسی آفیسر انجینئر سعید احمد کا کہنا تھا کہ ریسکیو 1122 کا ارادہ عوام کا اپنا ارادہ ہے اور ہمارا مقصد عوام میں احساس تحفظ پیدا کرنا ہے۔
