بند کمروں میں فیصلے عوام کو قبول نہیں، فواد چوہدری

دینہ: پاکستان تحریک انصاف (پی ٹی آئی) کے رہنما فواد چوہدری نے کہا ہے کہ بند کمروں میں فیصلے عوام کو قبول نہیں۔

سماجی رابطے کی ویب سائٹ ٹوئٹر پر اپنے جاری کردہ بیان میں فواد چوہدری نے کہا کہ معیشت کی منصوبہ بندی کے اہم ادارے پائیڈ کے سروے کے مطابق پاکستان کے شہری علاقوں میں رہنے والے 40 فیصد افراد بیرون ملک جانے کے خواہش مند ہیں۔

انہوں نے کہا کہ دیہی علاقوں کے 36 فیصد افراد ملک چھوڑ کر کسی‘‘اچھے’’ملک جانا چاہتے ہیں، پائیڈ کا سروے ملک کے حالات کا عکاس ہے۔


سابق وفاقی وزیر نے کہا کہ اداروں کی قیادت اگر جاگ جائے تو معلوم ہو گا کہ عوام اور اداروں میں فاصلوں میں اتنا اضافہ ہو چکا ہے کہ لوگ ملک چھوڑ کر جانا چاہتے ہیں۔

فواد چوہدری نے مزید کہا کہ لے پالک سیاستدانوں اور صحافیوں کو چھوڑیں، صورتحال کا ادراک کریں، بند کمروں میں فیصلے عوام کو قبول نہیں۔

پاکستان کے سرکاری تھنک ٹینک کی ایک رپورٹ کے مطابق ایک تہائی پاکستانی موقع ملنے پر کسی ’’اچھے‘‘ ملک جاکر آباد ہونا چاہتے ہیں، بیرون ملک جا کر بس جانے کی یہ خواہش دیہی سے زیادہ شہری آبادی میں پائی جاتی ہے۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button