جہلم: رانا طاہر رحمٰن خان ڈسٹرکٹ پولیس آفیسر جہلم کے احکامات کی روشنی میں جہلم پولیس کا سماج دشمن عناصر کے خلاف کریک ڈاؤن جاری، 4 ملزمان اسلحہ اور منشیات سمیت گرفتار، پولیس نے مقدمات درج کر لئے۔
تفصیلات کے مطابق تھانہ سٹی پولیس نے کارروائی کرتے ہوئے ناجائز اسلحہ رکھنے والے ملزم کیرل آصف ولد آصف مسیح ساکن ڈھوک جمعہ جہلم کو گرفتار کیا جس کے قبضہ سے ریوالور 32 بور معہ راونڈز برآمد کر کے ملزم کے خلاف مقدمہ درج کر لیا۔
تھانہ سول لائن پولیس نے ناجائز اسلحہ رکھنے والے ملزم حسنین علی ولد محمد نذیر ساکن محلہ پیراغیب جہلم کو گرفتار کیا جس کے قبضہ سے پسٹل 30 بور معہ راونڈز جبکہ منشیات فروش ملزم عدنان رشید ولد محمد رشید ساکن پیراغیب جہلم کو گرفتار کیا جس کے قبضہ سے 120 گرام ہیروئن برآمد کر کے ملزمان کے خلاف الگ الگ مقدمات درج کر لیے۔
تھانہ سوہاوہ پولیس نے کارروائی کرتے ہوئے پتنگ فروش ملزم جنت گل ولد انار گل ساکن عیدگاہ سوہاوہ کو گرفتار کیا جس کے قبضہ سے پتنگیں معہ ڈوریں برآمد کر کے ملزم کے خلاف مقدمہ درج کر لیا۔
