دینہ: رانا طاہر رحمٰن خان ڈسٹرکٹ پولیس آفیسر جہلم کے احکامات کی روشنی میں جہلم پولیس کا سماج دشمن عناصر کے خلاف کریک ڈاؤن جاری، 3 ملزمان اسلحہ اور پتنگوں سمیت گرفتار، پولیس نے مقدمات درج کر لئے۔
تفصیلات کے مطابق تھانہ سوہاوہ پولیس نے کارروائی کرتے ہوئے ناجائز اسلحہ رکھنے والے ملزم ذیشان ولد محمد تاج ساکن ضلع مانسہرہ کو گرفتار کیا جس کے قبضہ سے بندوق 12 بور معہ کارتوس برآمد کر کے ملزم کے خلاف مقدمہ درج کر لیا۔
تھانہ دینہ پولیس نے کارروائی کرتے ہوئے پتنگ فروش ملزم محمد اسامہ ولد مظہر حسین ساکن نواب پورہ دینہ کو گرفتار کیا جس کے قبضہ سے 1000 پتنگیں معہ 20 عدد کیمیکل ڈوریں برآمد کر کے ملزم کے خلاف مقدمہ درج کر لیا۔
تھانہ سول لائن پولیس نے کارروائی کرتے ہوئے پتنگ فروش ملزم خالد جہانگیر ولد جہانگیر خان ساکن ڈھوک جمعہ جہلم کو گرفتار کیا جس کے قبضہ سے 20 عدد پتنگیں معہ ڈور برآمد کر کے ملزم کے خلاف مقدمہ درج کر لیا۔
