دینہ: ضلع جہلم میں مزید 22 افراد کورونا وائرس سے متاثر، 33 افراد صحت یاب اور فعال کیسز کی تعداد 75 ہو گئی، 9 لاکھ کے قریب بارہ سال سے زائد عمر کے شہریوں کو کورونا وائرس سے بچاؤ کی ویکسینیشن کر دی گئی۔
تفصیلات کے مطابق ڈسٹرکٹ ہیلتھ اتھارٹی ضلع جہلم میں 4 اور 5 فروری کو مزید 22 افراد کی رپورٹ مثبت موصول ہوئی ہے۔ جہلم میں 4 فروری کو مثبت کیسیز کی شرح 4.04 فیصد اور 5 فروری کو مثبت کیسیز کی شرح 2.20 فیصد رہی ہے۔
اس وقت جہلم میں 75 کورونا وائرس سے متاثرہ مریض جن میں کورونا وائرس بیماری کی کوئی علامات نہیں ہے گھروں میں آئسولیٹ کیا گیا ہے۔
محکمہ صحت جہلم نے گزشتہ روز تک کورونا کے مشتبہ 155842 افراد کے نمونے لے کر لیبارٹری بھجوائے ہیں جن میں سے 2965 افراد کی رپورٹ مثبت آئی ہے، اب تک کل 2813 کورونا وائرس سے متاثرہ مریض صحت یاب ہو چکے ہیں، اس وقت کل کورونا وائرس سے 77 اموات ہوئی ہیں۔
کورونا وائرس کی چوتھی لہر میں محکمہ صحت جہلم نے یکم ستمبر 2021 سے اب تک کل کورونا وائرس کے مشتبہ 41245 افراد کے نمونے لے کر لیبارٹری بھجوائے ہیں جن میں 416 افراد کی رپورٹ مثبت موصول ہوئی، کورونا وائرس کی تیسری لہر میں اب تک 8 اموات ہوئی ہیں اورکورونا وائرس کے مثبت کیسیز کی شرح %0.99 ہے۔
جہلم میں اب تک 80 میڈیکل اور پیرامیڈیکل سٹاف کورونا وائرس سے متاثر ہوا ہیں۔ اب تک 3019 فرنٹ لائن ہیلتھ ورکرز اور 886267 بارہ سال سے زائد عمر کے شہریوں کو کورونا وائرس سے بچاؤ کی ویکسینیشن کر دی گئی ہے۔
اب تک ضلع جہلم میں ڈینگی کے 26 مثبت کیس رپورٹ ہوئے۔ اب تک ضلع جہلم میں ڈینگی سرویلنس کے دوران 17 آوٹ ڈور مقامات اور 3 ان ڈور مقامات سے ڈینگی کا لارواہ برآمد ہوا ہے۔
