تحریک انصاف کے سینئر رہنما اور سابق وفاقی وزیر فواد چوہدری نے دعویٰ کیا ہے کہ چوں چوں کا مربہ حکومت چند ہفتوں کیلئے ہے۔
ایک بیان میں فواد چوہدری نے کہا کہ ن لیگ حکومت سوشل میڈیا اور سیاسی مخالفین کے خلاف کریک ڈاؤن کے خواب دیکھنا چھوڑ دے۔ متحدہ اپوزیشن کی یہ حکومت چوں چوں کا مربہ ہے، جو چند ہفتوں میں ختم ہوجائے گی۔
پی ٹی آئی رہنما نے مزید کہا کہ ملک کا سیاسی بحران سنگین ہورہا ہے، 135حلقوں سے استعفے آ چکے ہیں۔ موجودہ پارلیمان اپنی اہمیت اور حیثیت کھو چکی ہے، ٹکراؤ سے بچنے کا واحد طریقہ انتخابات ہیں۔
