جہلم: آل پاکستان کلرکس ایسوسی ایشن ایجوکیشن یونٹ جہلم، ڈسٹرکٹ بار ایسوسی ایشن جہلم، ڈسٹرکٹ پریس کلب جہلم اور پنجاب ٹیچر یونین جہلم نے سیکرٹری ایجوکیشن کو درخواست کی ہے کہ میڈم کوثر سلیم کی خدمات کو مد نظر رکھتے ہوئے ان کا تبادلہ واپس جہلم کیا جائے۔
محترمہ کوثر سلیم بطور ڈسٹرکٹ ایجوکیشن آفیسر زنانہ جہلم دو سال سے تعینات تھیں، کچھ دن قبل ان کو سیکرٹری تعلیم کے دفتر رپورٹ کرنے کا کہا گیا اور وہ ہمارے ضلع سے فراغت لے کر لاہور چلی گئی ہیں۔
جہلم میں تعیناتی کے دوران محترمہ کوثر سلیم صاحبہ کا رویہ دفتری سٹاف، وکلا برادری، صحافی برادری، ٹیچرز اور عام پبلک کے ساتھ انتہائی مثالی رہا ہے اور ان کی تعیناتی میں تمام سرکاری کام بغیر کسی رکاوٹ کے اپنے انجام کو پہنچے۔
