جہلم: ذخیرہ اندوزی اور سرکاری نرخوں پر عمل نہ کرنے پر انتظامیہ کا ایکشن،ضلع بھر میں خلاف ورزیاں کرنے والوں کو 3 لاکھ 20 ہزار کے جرمانے عائد کئے گئے۔
تفصیلات کے مطابق ماہ رمضان المبارک میں ذخیرہ اندوزی اور سرکاری نرخ ناموں پر عمل نہ کرنے پر انتظامیہ ایکشن میں آ گئی۔ گراں فروشی کے خلاف پرائس کنٹرول مجسٹریٹس کی کارروائیاں، ضلع بھر میں 3 لاکھ 20 ہزار روپے کا جرمانہ عائد کیا گیا۔
پرائس کنٹرول مجسٹریٹس نے مختلف علاقوں کے ہنگامی دورے کیے اور خلاف ورزی پر بھاری جرمانے عائد کیے۔ رمضان المبارک کے ماہ میں اب تک پرائس کنٹرول کے حوالے سے 968 کارروائیوں میں 127 دوکانداروں کو گراں فروشی، 12 دوکانداروں کو ذخیرہ اندوزی کی مد میں 3 لاکھ 20 ہزار روپے کا جرمانہ عائد کیا گیا۔
59 دوکانداروں کو وارننگ بھی دی گئی جبکہ 1 دوکاندار کے خلاف ایف آئی آر درج کی گئی۔
