جہلم: ضلع بھر میں انسانی زندگیوں کے لئے خطرہ بنی گندم میں رکھی جانے والی زہریلی گولیوں کی کھلے عام فروخت جاری ، انسانی زندگیاں خطرات سے دوچار ، محکمہ زراعت سمیت ضلعی انتظامیہ خاموش تماشائی بنی ہوئی ہے۔
تفصیلات کے مطابق گندم کو مختلف وائرس اور کیڑوں سے بچاؤ کے لئے رکھی جانے والی زہریلی گولیوں سے خود کشی کے واقعات کوئی نئی بات نہیں مگر متعلقہ حکام کی مبینہ غفلت کی وجہ سے شہری اور دیہی علاقوں میں زہریلی گولیاں کھلے عام دکانوں پر فروخت کی جاری ہیں۔
زہریلی گولیوں کے استعمال سے خود کشی کا رجحان بڑھ جانے کے باوجود متعلقہ اداروں کے ذمہ داران کا حرکت میں نہ آنا سوالیہ نشان ہے ۔شہر کی سماجی ، رفاعی، فلاحی تنظیموں کے عمائدین نے قانون نافذ کرنے والے اداروں سے نوٹس لینے کا مطالبہ کیاہے ۔
