دینہ: ڈی پی او جہلم ناصر محمود باجوہ کے احکامات کی روشنی میں ڈی ایس پی صدر میاں عبدالجباد کی سربراہی میں ایس ایچ او منگلا احسن شہزاد بٹ اور ٹیم کی بڑی کارروائی کرتے ہوئے فائرنگ اور کلہاڑیوں کے وار کر کے نوجوان کو قتل اور 4 شہریوں کو زخمی کرنے والے 4ملزمان گرفتار کر لئے۔
گرفتار ملزمان کی شناخت منشاء علی، جبران، اذکان اور فیضان عرف جانی کے ناموں سے ہوئی، ملزمان نے 5روز قبل تھانہ منگلا کی حدود دینہ کے علاقہ رانجھا میرا میں فائرنگ اور کلہاڑیوں کے وار کر کے اسامہ نامی شہری کو قتل جبکہ شاہدہ، نازیہ، نصرت اور جبران حیدر کو زخمی کیا تھا۔
وقوعہ کے روز اطلاع ملتے ہی ڈی پی او جہلم ناصر محمود باجوہ نے ڈی ایچ کیو ہسپتال کا وزٹ کیا اور ایس ایچ او منگلا کو ملزمان کی گرفتاری کا ٹاسک دیا تھا۔ ایس ایچ او منگلا اور ٹیم نے جدید سائنٹیفک طریقہ کار استعمال کرتے ہوئے ملزمان کو گرفتار کر لیا۔
ڈی پی او جہلم ناصر محمود باجوہ نے ایس ایچ او منگلا اور ٹیم کو تعریفی سرٹیفکیٹ اور نقد انعام سے نوازا اور کہا کہ سنگین جرائم میں ملوث ملزمان کی گرفتاری انصاف کی فراہمی میں اہم سنگِ میل ہے۔
