جہلم پولیس کا پیشہ ور بھکاریوں کیخلاف کریک ڈاؤن، 5 بھکاریوں کو گرفتار کر لیا گیا۔
تفصیلات کے مطابق ڈی پی او جہلم ناصر محمود باجوہ نے میڈیا پر بھکاریوں کے حوالے سے چلنے والی خبروں پر نوٹس لیتے ہوئے پیشہ ور بھکاریوں کی گرفتاری کا حکم دیا تھا، ایس ایچ او سٹی معہ ٹیم نے کارروائی کرتے ہوئے 5 پیشہ ور بھکاریوں کو گرفتار کر لیا۔
گرفتار پیشہ ور بھکاریوں کے خلاف مقدمات درج کر لیے گئے، ملزمان میں مجاہد، شہزاد، ارشاد بیگم، شگفتہ اور سفینہ شامل ہیں، ملزمان کے خلاف مقدمات درج کر لیے گئے ہیں۔
ڈی پی او جہلم ناصر محمود باجوہ کا کہنا تھا کہ پیشہ ور بھکاری ناصرف مختلف شاہراؤں اور چوک چوراہوں پر کھڑے ہوکر ٹریفک کی روانی کو متاثر کرتے ہیں بلکہ حادثات کا بھی باعث بنتے ہیں، شہریوں سے التماس ہے کہ پیشہ ور بھکاریوں کی حوصلہ شکنی کریں۔
