جہلم: ایڈیشنل ڈپٹی کمشنر جنرل جہلم صبا سحر کی زیر صدارت محکمہ بہبود آبادی جہلم کی ماہانہ کارکردگی کا جائزہ لینے کے لیے ڈسٹرکٹ کوآرڈینیشن کمیٹی کا اجلاس منعقد ہوا۔ اجلاس میں محکمہ تعلیم، اطلاعات کے ضلعی سربراہ، علماء کرام نے شرکت کی۔
اس موقع پر حسن خالد وڑائچ ڈسٹرکٹ پاپولیشن ویلفیئر آفیسر نے شرکاء کو محکمہ بہبود آبادی کی سرگرمیوں، مانع حمل ادویات کی فراہمی اور محکمہ کی آگاہی مہم بارے آگاہ کیا۔
ایڈیشنل ڈپٹی کمشنر نے محکمہ بہبود آبادی کی کارکردگی اور آگاہی مہم کی سرگرمیوں کو سراہا اور ہدایت کی کہ عوام الناس کو تیزی سے بڑھتی ہوئی آبادی بارے آگاہی فراہم کرنے کے ساتھ خاندانی منصوبہ بندی کی خدمات کی فراہمی میں بہتری کیلئے تعاون کو فروغ دیا جائے۔
