جہلم: رمضان المبارک کے استقبال کے لئے شہر میں مہنگائی کے طوفان نے عام آدمی کی قوت خرید ختم کر کے رکھ دی۔
ریڑھی بانز، پرچون فروشوں اور ہول سیلروں تک تاجروں نے تمام بنیادی اشیائے ضروریہ اور اشیائے خوردونوش کی قیمتوں میں کئی سو گنا اضافہ کر دیا ،خود ساختہ مہنگائی کی شدید لہر کے باوجود شہر بھر میں پرائس کنٹرول مجسٹرئیس اور مارکیٹ کمیٹی زیر زمین چلی گئی۔
ضلعی انتظامیہ کی تمام تر توجہ مفت آٹے پر مرکوز ہو کر رہ گئی ہے جس کے باعث مہنگائی سے ستائی عوام سود خوروں کے جال میں پھنستی چلی جا رہی ہے، سود خوروں کی طرف سے بینک اکاؤنٹس کے سادہ چیک زمینوں گھروں کے کاغذات گروی رکھ کر کئی گنا اضافی رقم کی واپسی کا تقاضا کیا جاتا ھے روزانہ کی بنیاد پر درجنوں اسٹامپ پیپرز اسٹام فروشوں سے لکھوائے جاتے ہیں جن کا ریکار ڈ اسٹام فروشوں کے پاس موجود ہے۔
شہر کی سماجی، رفاعی، فلاحی، مذہبی تنظیموں کے عمائدین سمیت شہریوں نے ڈسٹرکٹ پولیس آفیسر سے اس سودی نیٹ ورک کیخلاف بھر پورا ایکشن لینے کا مطالبہ کیا ہے۔
