سوہاوہ: ایس ایچ او سوہاوہ معہ ٹیم کی اہم کارروائی، مردم شماری پر ڈیوٹی سر انجام دینے والے استاد کے ساتھ مزاحمت اور بدتمیزی کرنے والا ملزم گرفتار، پولیس نے مقدمہ درج کر لیا۔
تفصیلات کے مطابق ایس ایچ او سوہاوہ اور ان کی ٹیم نے کارروائی کرتے ہوئے مردم شماری پر ڈیوٹی سر انجام دینے والے استاد کے ساتھ مزاحمت اور بدتمیزی کرنے والا ملزم کو گرفتارکرلیا،ملزم کی شناخت شہریار کے نام سے ہوئی۔
درخواست دہندہ نے پولیس کو ددخواست دی کہ میں مردم شماری کے سلسلہ میں ملزم کے گھر گیاجہاں اس نے میرے ساتھ بدتمیزی کی اورکلہاڑی سے مارنے کی دھمکیاں دیں جس پر ایس ایچ او سوہاوہ نے کارروائی کرتے ہوئے چند گھنٹوں میں ملزم کو گرفتار کر لیا۔
ڈی پی او جہلم ناصر محمود باجوہ نے کہا کہ سرکاری امور کی انجام دہی کے دوران خلل ڈالنے والوں کو آہنی ہاتھوں نمٹا جائے گا۔ ڈی پی او جہلم نے ایس ایچ او سوہاوہ اور ٹیم کو شاباش دی۔
