جہلم میں جرم ثابت ہونے پر منشیات فروش کو 9 سال قید اور جرمانے کی سزا

جہلم میں ایک اور منشیات فروش کو قید اور جرمانے کی سزا سنادی گئی۔

تفصیلات کے مطابق عدالت نے منشیات کے مقدمہ نمبر 711/23 بجرم CNSA 9(i)3c تھانہ دینہ کا فیصلہ سناتے ہوئے مجرم علی رضا الیاس کو 9 سال قید اور 1 لاکھ روپے جرمانے کی سزا سنائی۔

مجرم علی رضا الیاس کو سال 2023 میں منشیات فروشی کے جرم میں گرفتار کیا گیا تھا۔ جہلم پولیس نے مجرم کو ٹریس کر کے گرفتار کیا اور ٹھوس شواہد کے ساتھ چالان عدالت کیا، مقدمہ کی مؤثر پیروی کے نتیجے میں معزز عدالت نے مجرم کو قرار واقعی سزا سنائی۔

ڈی پی او جہلم طارق عزیز سندھو نے کہا کہ منشیات فروش معاشرے کا ناسور ہیں، ان کے خاتمے کے لیے بھرپور آپریشن جاری رہے گا۔

انہوں نے مقدمے کی مؤثر پیروی کرنے پر انوسٹیگیشن اور لیگل ٹیموں کو شاباش دیتے ہوئے تعریفی سرٹیفکیٹ دینے کا اعلان کیا۔