دینہ کے علاقہ نکودر میں نامعلوم چور سیل شدہ دوکان کا صفایا کر گئے

دینہ کے نواحی علاقہ میں نامعلوم چور دوکان کے تالے توڑ کر 3لاکھ سے زائد مالیت کی رقم اور لاکھوں روپے مالیت کا سامان چوری کر کے لے گئے۔پولیس تھانہ منگلا نے جائے وقوعہ پر پہنچ کر رپورٹ درج کر لی ۔

تفصیلات کے مطابق گزشتہ رات جہلم کی تحصیل دینہ کے نواحی علاقہ نکودر میں نامعلوم چور رات کی تاریکی کا فائدہ اٹھاتے ہوئے چوہدری سعید کھل ونڈا شاپ کے تالے توڑ کر اندر داخل ہو گئے اور دوکان میں پڑی 3لاکھ سے زائد مالیت کی نقدی اور لاکھوں روپے مالیت دوکان کا سامان کھل ونڈا لے کر فرار ہو گئے۔

بتایا جاتا ہے کہ محکمہ ایکسائز نے دوکان سیل کر رکھی تھی اور چوروں نے اپنا کام کر دیا۔ واردات کی اطلاع ملتے ہی پولیس تھانہ منگلا پہنچ گئی اور متاثرہ مالک کی درخواست پر رپورٹ درج کر لی ۔