ناروے میں پاکستانی سفارتخانے میں پرچم کشائی کی شاندار تقریب، کمیونٹی کی بھرپور شرکت
اوسلو: ناروےکے دارالحکومت اوسلو میں سفارتخانہ پاکستان اوسلو کے زیراہتمام یوم پاکستان بڑے جوش و خروش سے منایاگیا۔
تقریب کا آغاز تلاوت قرآن پاک سے انعام الحق سیٹھی نے کیا جبکہ اسٹیج سیکرٹری کے فرائض ثاقب نثار نے سر انجام دیئے۔ پرچم کشائی کی تقریب کی صبح چانسری کے احاطے میں منعقد ہوئی چارج ڈی افیئرز ڈاکٹر رابیل مصطفیٰ سومرو نے قومی ترانے کی دھن پر قومی پرچم بلند کیا۔
اس موقع پر صدر مملکت اور وزیراعظم پاکستان کے پیغامات پڑھ کر سنائے گئے ڈاکٹر رابیل مصطفیٰ سومرو نے قومی دن کے موقع پر پاکستانی کمیونٹی کو مبارکباد پیش کی اور پاکستان کے قومی دن کی تاریخی اہمیت پر روشنی ڈالی تقریب میں تمام شعبہ ہائے زندگی کی نمائندگی کرنے والے کمیونٹی کےافراد نے شرکت کی۔
تقریب کے آخر میں انعام الحق سیٹھی پاکستان کی سلامتی اور خوشحالی کیلئے خصوصی دعا بھی کرائی۔
تقریب میں سفارتخانہ پاکستان کے افسران اور ملازمیں کے علاوہ اوسلو میں مقیم پاکستانی کمیونٹی کے عہدے داران اور رہنماؤں نے شرکت کی جن میں پاکستان یونین ناروے کے چیئرمین چوہدری قمراقبال پوٹھوہار ویلفیئر سوسائٹی کے نائب صدر عقیل قادر انفارمیشن سیکرٹری پوٹھوہار سوسائٹی چوہدری اسماعیل سرور بھٹیاں چوہدری وسیم شہزاد ریسورس سینٹر فار نارویجن پاکستانی وومن تنظیم کی صدر مینا جی، مسلم لیگ (ن)کے چیف آرگنائزر خالدنذیر بٹ شیخ طارق محمود سینئر سیاستدان چوہدری خالد محمود راجہ عاشق حسین پاک ناروے فورم کےصدر مہر محمد عباس آف میمن چک محمد شکیل راجہ غالب پیپلزپارٹی ناروے کے صدر چوہدری جہانگیر نواز محمد رفیق اور دیگر شامل ہیں۔
