دینہ کے دو نوجوان نہر اپر جہلم میں نہاتے ہوئے ڈوب کر جاں بحق

دینہ کے نواحی علاقہ کے دو نوجوان نہر اپر جہلم میں نہاتے ہوئے ڈوب کر جاں بحق ہو گئے، ریسکیو ٹیموں نے لاشوں کو نہر سے نکال لیا۔

تفصیلات کے مطابق جہلم کی تحصیل دینہ کے علاقہ بڑل (بڑلہ) کے رہائشی عزیر اور فضل ربی نامی دو نوجوان منگلا لہڑی پارک کے قریب نہر اپر جہلم میں نہاتے ہوئے گہرے پانی میں چلے گئے اور دونوں نوجوان ڈوب کر جاں بحق ہو گئے۔

اطلاع ملتے ہی ریسکیو 1122 میرپور اور پاوندہ واٹر ریسکیو کی ٹیمیں موقع پر پہنچ گئیں اور مشترکہ آپریشن کے بعد دونوں نوجوانوں کی لاشیں نہر سے نکال لی گئیں۔

قصویٰ ویلفیئر آرگنائزیشن نے دونوں نوجوانوں کی ڈیڈ باڈی ان کے آبائی گاؤں بڑل میں لواحقین کے حوالے کر دیں۔ لاشیں گاؤں پہنچتے ہی علاقہ میں کہرام مچ گیا، ہر آنکھ اشکبار تھی۔

تازہ ترین خبروں کیلئے ہمیں گوگل نیوز پر فالو کریں